Jarraian, Getxoko eskola kirola planaren barruan antolatuko diren topaketa eta irteeraren egutegia bidaltzen dizuegu,multikirola egiten dutenentzat zuzenduta. Aldaketa txikiren bat egon daiteke, baina normalean hau izango da topaketen egutegia.

• TOPAKETA
  8 saiotan entrenatzen ibili ostean, kiroleko jai honetan, parte hartu duten ume guztiak batuko dira 2 ordutan zehar partiduak egiten ibiltzeko. Partiduetarako taldeak ausaz eratuko dira eta azken emaitza ez da kontuan hartzekoa izango. Senideei nola jardun beharko duten ere azalduko zaie (animatu eta txalotu).
• TXANGOA
  Prestatuta ez dagoen jarduera bat izango da, hau da, horretarako ez da entrenamendurik behar izango. Umeek ohikoak ez diren beste kirol modalitate batzuk ezagutu ahal izango dituzte eta senideek ere, nahi izanez gero, parte hartu ahal izango dute.
• AZKEN JAIA
  Denboraldiko final handia egingo da. Zirkuitu batean egingo da eta senideek urtean zehar egin diren kirol modalitate guztietan parte hartu ahal izango dute. Lehiaketak egongo dira, kirolari ezagunek parte hartuko dute, udalerriko klubek parte hartuko dute eta abar.